(microsoft word - 935.000 reglament davart cavar cristallas e lavar aur trun\205)

Art. 3 Lubientscha per cavar cristallas Art. 6 Intents scientifics ed excursiuns Art. 13 Utensils e material scumandai per lavar aur Art. 14 Anfladas specialas da cristallas Art. 20 Retratga ni snegada dalla lubientscha Art. 1 Validitad 1 Quest reglament regla il cavar cristallas sco era il lavar aur independentamein dalla pro-prietad dil schischom. 2 El vala per igl entir territori dalla vischnaunca da Trun. Indicaziuns da persunas, funcziuns e professiuns serefereschan sin omisduas schlat-teinas. Art. 3 Lubientscha per cavar cristallas 1 La lubientscha per cavar cristallas vegn concedida a persunas naturalas che han cum-pleniu il 18avel onn e che possedan ina assicuranza da responsabladad enviers tiarzas persunas. Quella sto cuvierer sufficientamein donns materials e da persunas. 2 Per siglientar drova ei ina lubientscha supplementara. Quella obtegnan mo persunas domiciliadas en vischnaunca che han cumpleniu il 20avel onn, che possedan in attest da siglientar e che han ina lubientscha per cavar cristallas. Per siglientar vegn incassau ina taxa supplementara. 3 Il diever da tuttas maschinas ei scumandaus. En cass excepziunals sa la suprastonza communala lubir da duvrar maschinas da furar cun incassar persuenter ina taxa supple-mentara. 1 Per singulas persunas basegna ei negina lubientscha da lavar aur, aschinavon che quei succeda buca a basa commerciala. 2 Il petent sto haver cumpleniu 18 onns. Plinavon sto el esser en possess d’ina assicuran-za da responsablad. 3 Per menar ed organisar gruppas a basa commerciala basegna ei ina lubientscha dalla suprastonza communala. Art. 5 Cuoz dalla lubientscha 1 La lubientscha per cavar cristallas ei mintgamai valeivla per igl onn calendar. 2 Il lavar aur ei lubius sil pli baul naven digl 1. da matg entochen ils 15 da settember. Igl ulteriur temps eis ei scumandau da lavar aur en tuts flums ed uals. Art. 6 Intents scientifics ed excursiuns 1 Persunas ch’enqueran cristallas e mineralias spirontamein per intents scientifics e che prendan a casa mo campiuns, obtegnan gratuitamein ina lubientscha da cavar cristallas. Ellas astgan duvrar sulettamein puntga e marti geologic. 2 Participonts d’excursiuns drovan negina lubientscha, sche l’excursiun vegn organisada da cavacristallas e lava-aur che han ina lubientscha da cavar cristallas resp. lavar aur dal-la vischnaunca da Trun. Art. 7 Scamonds 1 Igl ei scumandau da cavar cristallas: a) sigl intschess da plontaziuns e da lavineras, b) sin scarpas da sendas e vias. 3 Pastiras d'alp astgan buca vegnir donnegiadas entras cavar cristallas. 4 Sche motivs impurtonts pretendan ei, sa la suprastonza communala restrenscher ni scumandar il cavar cristallas era en auters territoris. 5 Duront lavar aur eis ei scumandau: a) da deviar uals e flums, b) da cavar giu e donnegiar terren carschiu suenter las rivas da flums ed uals, c) da donnegiar uors e rempars sco era ulteriuras ustonzas. 6 Plinavon sa la suprastonza communala decretar scamonds da lavar aur en loghens nua ch’ei vegn fatg surdiever ni ch’il prighel d’erosiuns periclitescha il contuorn. Art. 8 Sgols cun helicopter 1 Sgols cun helicopter en connex cun l’explotaziun da cristallas drovan ina lubientscha speciala dalla suprastonza communala. 2 Quella lubientscha vegn concedida mo en connex cun il transport da cristallas. a) Sto prevegnir a scadin donn, surtut enviers persunas, animals, baghetgs ed indrezs b) Ei responsabels per ils donns ch’el caschuna cun encurir cristallas ed il lavar aur. c) Ha da rumir siu plaz da lavur, aschia ch’ei exista negin prighel per glieud ed animals. Donns caschunai entras il cavar cristallas ed il lavar aur ston vegnir refatgs entras il ca-schunader. Leu nua che quels donns vegnan buca refatgs ei la vischnaunca autorisada da refar quels sin donn e cuost dil caschunader suenter haver visau quel. Art. 11 Schurmetg dalla cava 1 Ha il cavacristallas aviert in fuorn, denton aunc buca finiu l’explotaziun, vala quel per oc-cupaus, aschinavon ch’il cavacristallas lai anavos in u plirs uaffens, silmeins denton ina puntga e marca il fuorn cul num e datum. Vegn in fuorn buca explotaus duront 2 onns a-stga el vegnir explotaus d’autras persunas. 2 In cavacristallas astga occupar silpli 2 fuorns en vischnaunca; en mintga cass buca enti-ras preits crap. 3 Per il lava-aur exista negin schurmetg dil plaz. Banduna el siu plaz da lavur ei quel da tut temps accessibels per in auter lava-aur. Igl ei lubiu da far diever da suandonts utensils per lavar aur: a) pala, b) cazzetta, taglier, dratg, c) canals entochen ina lunghezia maximala da 2.00 m. Art. 13 Utensils e material scumandai per lavar aur Igl ei scumandau da far diever da suandonts utensils respectiv materials per lavar aur: a) da maschinas e tuts indrezs motorisai, b) da stender sugas per tut diever, c) da materias chemicas sco argien viv ni natriumcyanid e.a.v., d) endrizzar tendas e campadis. Art. 14 Anfladas specialas da cristallas Anfladas da bellezia singulara e da considerabla muntada ston vegnir annunziadas alla suprastonza communala. La vischnaunca sa acquistar tals exemplars cun pagar ina in-demnisaziun commensurada. Quella vegn fixada d’ina cumissiun dil fatg neutrala risguar-dond ils cuosts d’explotar. Art. 15 Taxas 1 Las taxas per cavar cristallas muntan: a) carta annuala per persunas domiciliadas en vischnaunca b) carta annuala per burgheis grischuns e per c) carta annuala per ulteriurs Svizzers ni per persunas digl exteriur domiciliadas en Svizra (permissiun C) d) carta annuala per tuttas ulteriuras persunas digl exteriur g) taxa supplementara per siglientar (mo en cass specials) 2 La taxa annuala per lavar aur tenor art. 4 munta à frs. 150.--. 3 Las taxas san vegnir adattadas entras la suprastonza communala. 4 Ulteriuras taxas vegnan medemamein fixadas dalla suprastonza communala. 1 La lubientscha da cavar cristallas vala era per il territori dallas ulteriuras vi-schnauncas dalla Cadi, aschinavon che quellas reglan il cavar cristallas e salvan cunterdretg. Art. 17 Survigilonza 1 Mintga possessur d’ina lubientscha el senn dils art.3 e 4 sto haver cun el la lubientscha sco era la carta d’identitad. 2 Las persunas incaricadas dalla suprastonza communala cun la survigilonza ein legitima-das da controllar in e scadin, aschinavon ch’ins suppona ch’el mondi per cristallas ni ch’el fetschi diever d’ina lubientscha da lavar aur. 3 Mintga possessur d’ina lubientscha el senn dils art. 3 e 4 ei autorisaus da controllar scadi-na persuna che cava cristallas ni lava aur. Ils survigiladers, ils cavacristallas ed ils lava-aur han d’annunziar surpassaments da que-sta lescha alla suprastonza communala. Surpassaments da quella lescha vegnan puni entras la suprastonza communala cun castitg da tochen frs. 2'000.--. Cristallas cavadas resp. aur lavaus cun surpassar las prescripziuns daventan proprietad dalla vischnaunca e vegnan buca indemnisai. Art. 20 Retratga ni snegada dalla lubientscha Vegnan las prescripziuns da quest reglament buca observadas, sa la lubientscha dada vegnir retratga. Plinavon san ins snegar novas lubientschas. La suprastonza communala conceda tuttas lubientschas, dessegna ils survigiladers e pro-cura l’execuziun da quest reglament. Encunter decisiuns e disposiziuns dalla suprastonza communala sa vegnir recurriu entei-fer 20 dis suenter la communicaziun alla dertgira administrativa dil cantun Grischun. Quest reglament ei vegnius approbaus dalla radunonza communala dils …………………. e passa en vigur cun ils 1 da schaner 2010. Il president communal:

Source: http://www.trun.ch/files/BXMediaPlusDocument1130file.pdf